დასახელება: შუა ქალაქში - სეზონი 7
გამოშვების თარიღი: 2010
ჟანრი: სიტკომი
ავტორი: ღამის შოუ სტუდია
პროდიუსერები: დავით გოგიჩაიშვილი, ირაკლი კაკაბაძე, ვანო ჭელიძე
მონაწილეობენ: გოგა ბარბაქაძე, ოთარ ტატიშვილი, ჯაბა კილაძე, მარიამ ჯოლოგუა, მაია დობორჯგინიძე, ქეთა ლორთქიფანიძე ,თამუნა ნიკოლაძე ,თათული ედიშერიშვილი.

აღწერა:
ამ გადაცემის ფორმატს ეწოდება "სიტკომი", ანუ სიტუაციური კომედია, ანუ კომედიური სერიალი. "ღამის შოუ სტუდია"-მ ეს ფორმატი, როგორც სხვა გადაცემების შემთხვევაში ("ღამის შოუ", "შაბათის შოუ", "კანდიდატი" და სხვა) ამერიკული ანალოგებიდან გადმოიღო. თუმცა, სიტუაციური კომედიის ფორმატი არ ითვლება მხოლოდ ამერიკულად. ბევრი სიტკომი ამერიკაში ბრიტანეთიდან გადაიღეს. ამერიკული სიტუაციური კომედიების მაგალითებია: "Friends", "Everybody Loves Raymond", "All in the Family", "Home Improvement", "Hannah Montanta", "The Dick Van Dyke Show", "I Love Lucy" და ბევრი სხვა.
ამერიკული სიტკომის ყველაზე თვალსაჩინო წარმომადგენლად მაინც "Friends" ითვლება. "ღამის შოუ სტუდიის" შემადგენლობა 2007 წლის ზაფხულში გაემგზავრა ამერიკაში, შეხვდა ზემოთხსენებული სიტკომების უმეტესობის პროდიუსერებსა და სცენარისტებს, დაესწრო ჩაწერების პროცესს. გარდა ამისა, გაიარა ტრენინგი "Warner Brothers Studios"-ში და მოიპოვა უფლება ამ ფორმატის კეთებისა. სერიალ "შუა ქალაქში"-ს პირველი სერია ეთერში 2007 წლის 23 სექტემბერს გავიდა. სერიალი ეთერში გადის ყოველ შაბათსა და კვირას, საღამოს 22 საათზე, იმედის არხზე. "შუა ქალაქში" წარმოადგენს ამერიკული სიტუაციური კომედიის ქართულ ვერსიას. გათამაშებული სიტუაციები არის ქართველი მაყურებლისთვის ახლო და პერსონაჟებშიც ადვილად ამოიცნობთ თქვენს მეზობელს, მეგობარს, ნათესავს, და სხვა.
„შუა ქალაქში"- ს ისტორია ჩხეიძეებით იწყება. მათი ცხოვრება სავსეა კურიოზული მოულოდნელობებით. მათი ოჯახი შემოიფარგლება არაორდინალური მეგობრებებითა (სანდრო, ეკა, ანანო) და მეზობლებით (ღლონტები). მარიკა და ირაკლი ახალგაზრდა წყვილია, ისინი შუა ქალაქში ცხოვრობენ მარიკას ბიძაშვილ დათოსთან ერთად. დათო თავს მათი ოჯახით ირჩენს. რა შეიძლება ოჯახმა ინატროს თუ არა კარგი მეზობლები? ქეთევან და თამარ ღლონტები სწორედ ასეთ ადამიანებად მოიძებნებიან, მათი ცხოვრების არც ერთი დღე არ გავს ერთმანეთს.

ავტორი: სტუმარი ნანახია: (647) დამატების დრო: (07-05-2024)